<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

30. de lupis et ovibus (p. 688 in Hervieux; Perry 153)

Insontis raptor rapit ac sic munera queque :
Reddatus nullus custos, predantibus obsis.
Nunc animis memorant nostris monumenta paterna,
Quod seui dirique lupi insontesque bidentes
Horrentas ges[s]erunt dudum discrimina martis,
Tamdiu sedque deus bellax errabat in armis,
Vsque lupi tremuli pugnantes dorsa deder,
Quodque gregis multus fuerat uir cornibus audax
Atque canum turma obseruans et odora uigilque.
Tuncque lupi lepidos miserunt ore legatos,
Lanigere ut pacis prestarent iura bidentes,
Obsidis ut catulos caperent ac more lupinos,
Ac, uersis uicibus, plebem turbamque caninam
Corrigerent illis, essent ut paeta per euum,
Atque lupus stirpem ledat sic nullus ouilem.
Mitia tuncque feris pecudes responsa dedere,
Legifere eternum pacis sic fedus ut esset.
Postque lupi redeuntque ad siluea lustra ferarum :
Mortifero lacerant populum tunc dente caninum;
Sed pecudes nutriunt catulos ex lacte lupinos;
Moribus ut fuerant acre iam gentis adulti,
Corporis atque truces iam grandia membra tenerent,
[I]gnifere certo stantes set tempore lucis,
Clammigeris titan sparsit cum crinibus orbem,
Arida cum catuli rictus ac guttura pandunt,
Rictibus horrisonis ululant ac faucibus atris.
Audito sonitu tunc obsidibusque necatis,
Lurcones currunt ueteres cum milite seuo,
Feruida falsidicis promunt ac fatibus ora,
Lanigeris ouibus dicunt ac pectore falso :
Primitus, o pecudes, fregistis federa nostra,
Cum teneros uultis nostros mactare catellos.
Incipiuntque lupis statim lacerare bidentes;
Ceu ueteres, catuli feruescunt marte cruento,
Lanigeros auido mandunt ac gutture pulpas,
Atque gregem mactant totum sic dente feroci,
Parte, lupique senes, alia ac de parte, catelli
Auxilium iuuenes tradebant corpore priscis.
Mars hinc atque illinc consumpsit fraude bidentes;
Arte lupique canes teneant cum ac dente necarent,
Post hoc nullus erat custos ouibusque caninus,
Belliger aut ullus fortis qui pugnat in armis.
Callidus ast fallax sic pectore mitem,
Vtque suum rapiat custodem iura tuendi,
Autque illum sternat, post uel sua cuncta reducat.