<< Home Page | Rom. Nil. Metricae Index

Aesop's Fables: Romuli Nilantis Fabulae Metricae

40. de asino et leone (p. 708 in Hervieux; Perry 151)

Nemo minis turbat, si non impleuerit actu.
Garrulula rumigeris spargit hic littera uerbis,
In uia deserti lustrans uirgulta remoti,
Hunc asinus toruum inuernit quod fauce leonem.
In naui promsit grosse cum murmure uocis :
Aerea excelsi scandamus culmina montis,
Atque tibi pandam cernenti, tempore paruo,
Per saltus dumis densos lucosque ferinos,
Quam sit multa ferarum horrescens bestia siluis
Rite meum timido tenuit que corde pauorem.
Cui leo, setigeris subridens rictibus, infert :
Edita tendamus cupidis collis iuga plantis.
Prereptumque tumuli culmen tunc gressibus alti
Tendunt, ac faxo surris stans brutus asellus,
Siluestris cuneus fuerat quo corde pecultus,
Subtus frondigeris abdens ac circiter umbris,
Murmura rauciferis promit qui turpia branchis
Horribili ac timidas terrebat uoce phalangas.
Tunc uecors fuscis surrexit turma cloacis,
Altius horridiusque simul quantum acer asellus
Turpescens patulo frangebat guttore tractus,
Vociferans ritu proprie tunc pectore gentis,
Quantum corde choors silue uelocius amens
Haut segnis quadris confidens cruribus aginat,
Et procul in uacuas fugiens iam calle salebras
Qua uocis murmur timidis hau auribus hausit,
Quadrupedem aut oculis quo non iam cernere posset.
Ast asinus bardo tunc infert ore leoni :
En propriis cernis, leo, nunc obtutibus aptis,
Bestia cuntigene ut stirpis me corde pauescit.
Nanctus enim est simili causa se posse leonem
Terrere audacem bellis iraque cruentum.
Cui leo ueridicis patefecit fatibus ora :
Inscia nec mirum si nunc te corda pauerent
Horrendum sonitu semper branchoque timendum.
Cognitus, ut mihi, si timidis iam milibus esses,
Nec nunc te fugerent, pauido uel corde timerent.
Ne nauciscor enim, ceu balans agnus ouilis,
Quod fortis bellax es, nec nunc marte cruentus,
Nec tua ueloci decarpitque ungula gressu
Campum cornigeris spatiosum cursibus aptum.
Idcirco atque tue uocis terrore carebo;
Sed que non te cognoscunt terreto choortes,
Atque tuum, ceu nil terrens, autumo murmur.
Terrere, haut aliter uacuis sermonibus, optant
Iam stolidi ignotos hoc quod non uiribus implent.