<< Home Page | Rom. Nil. Rhythmicae Index

Aesop's Fables: Romuli Nilantis Fabulae Rhythmicae

Book 1.1: de gallinacio (p. 714 in Hervieux; Perry 503)

Quidam Gallinacius    victum quaeritavit.
Pretiosus interim     lapis latitavit
In luto, quem proferens,     maerens suspiravit,
Quod victu caruit, quem sic reperire putavit:

"Escam mihi petii,   sed cum te iacere
In luto perspiciam,    nil mihi praebere
Potes; si te cupido    velles exhibere,
Tunc poteris fieri praeclarus eique placere."

Moralitas.
Haec notat historia     stolidos amantes,
Qui, cum sint virtutibus     affatim fulgentes,
Ignorantes gratiam    nec grati sistentes,
Dum de sensatis mox fiunt insipientes.


Version in Wright's Latin Stories:

I. DE GALLINACEO.

QUIDAM gallinaceus victum quaeritavit;
Preciosus interim lapis latitavit
In luto, quem proferans moerens suspiravit,
Quod victu caruit, quiem sic reperire putavit:
" Escam mihi petii, sed cum te jacere
In luto perspiciam, nil mihi praebere
Potes; si te cupido velles exhibere,
Tunc poteris fieri praeclarus, eique placere."
MORALITAS.
Haec notat historia stolidos amantes,
Qui, cum sint virtutibus affatim fulgentes,
Ignorantes gratiam, nec grati sistentes,
Dum de sensatis mox fiunt insipientes.


The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755, and also the readings in Thomas Wright's A Selection of Latin Stories, from Manuscripts of the Thirteenth and Fourteenth Centuries. London: 1842 (online).