Aesop's Fables: Romuli Nilantis Fabulae Rhythmicae
Book 1.3: de mure et rana (p. 716 in Hervieux; Perry
384)
Mus transire flumen quondam proponebat.
A Rana simpliciter iuvamen petebat.
Rana dolo callida Muri respondebat.
Aestimo, quod mersum Murem prandare volebat.
Affer, inquit, ocius filum. Mus ferebat;
Muris collum proprio pedi connectebat.
Flumen petunt protinus, et Rana volebat
Inmergi fundo; sed Mus sua damna canebat.
Ut Mus Ranae fraudibus resistens natavit,
Milvus, praedam cupiens, ambos visitavit,
Utrumque pecusculum ferens asportavit,
Et fraus unius sic, sic utrumque necavit.
Moralitas.
Ista probat fabula miserum mendosum,
Qui ponit insidias contra virtuosum,
Quod ruit in laqueum mox perniciosum.
Lex est aequa dolum referire dolore dolosum.
Version in Wright's Latin
Stories:
III. DE MURE ET RANA.
MUS transire flumen quendam proponebat,
A rana simpliciter juvamen petabat.
Rana, dolo callida, muri respondebat;
Aestimo, quod miserum murem fraudare volebat.
"Affer," inquit, "otius filum." Mus ferebat.
Muris collum proprio pedi connectebat;
Flumen petunt protinus, et rana volebat
Immergi fundo, sed mus sua damna cavebat.
Ut mus ranse fraudibus resistens natavit,
Milvus praedam cupiens ambos visitavit,
Utrumque pecusculum ferrens asportavit,
Et fraus unius sic sic utrumque necavit.
MORALITAS.
Ista probat fabula miserum mendosum,
Qui ponit insidias contra virtuosum,
Quod ruit in laqueum mox perniciosum:
Lex est æqua dolum referire dolore dolosum.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|