Aesop's Fables: Romuli Nilantis Fabulae Rhythmicae
Book 2.7: de synodo leporum (p. 732 in Hervieux; Perry
138)
Nuper sunt ad synodum Lepores vocati,
Inter se firmissima fide coniurati,
Quod, si sint de cetero quoquam perturbati,
Ad pelagi rupes fugerent mox praecipitati.
Mox, ut terror ingruit, Lepores fugerunt
Ad flumen, quo turgidae Ranae latuerunt.
Ranae fugientium sonos audierunt,
Et se sub fluvio, cogente timore, tulerunt.
Submersas Lepusculi Ranas ut videbant,
Nimio perterriti stupore timebant.
Unius consilio cuncti mox favebant,
Quo mox audito propriis repedare studebant.
En, inquit, ne cernitis omne quod creatur
Sub timoris legibus firme religatur?
Iam noster ad patriam redditus ducatur,
Ut quisquis nostrum sua fata libens patiatur.
Moralitas.
Hic nos equanimiter monet tollerare
Poenas et angustias, quas mundus vult dare.
Nam firmo proposito si stabiliare,
Nil puto perversum te firmum posse gravare.
Version in Wright's Latin
Stories:
VII. DE SYNODO LEPORUM.
NUPER sunt ad synodum lepores vocati,
Inter se firmissima fide conjurati,
Quod, si sint de cætero quoquam perturbati,
Ad pelagi rupes fugerent mox præcipitati.
Mox, ut terror ingruit, lepores fugerunt
Ad flumen quo turgidæ ranæ latuerunt.
Ranæ fugientium sonos audierunt,
Et se sub fluvio cogente timore tulerunt.
Submersas lepusculi ranas ut videbant,
Nimio perterriti stupore timebant,
Unius consilio cuncti mox favebant,
Quo mox audito propriis repedare studebant.
"En!" inquit, "ut cernitis omne quod creatur
Sub timoris legibus firme religatur;
Jam noster ad patriam redditus ducatur,
Ut quisquis nostrum sua fata libeus patiatur."
MORALITAS.
Hic nos æquanimiter monet tolerare
Pœnas et angustias quas mundus volt dare:
Nam firmo proposito si stabiliare,
Nil puto perversum te firmum posse gravare.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|