Aesop's Fables: Romuli Nilantis Fabulae Rhythmicae
Book 2.8: de leone claudicante (p. 733 in Hervieux; Perry
563)
Nuper Leo nemora trux perambulabat
Venandi cupidine, sed currens calcabat
Spinam pedi transfigens; unde claudicabat,
Et morbo medicos ex omni parte vocabat.
Quem cum nullus hominum timens attendebat,
Hic ductus angustia gressus dirigebat
Ad Pastorem pecorum, quem procul videbat.
Quem tremens Pastor, terrore timens, fugiebat.
Leo linquens pecora sequitur Pastorem,
Cauda sibi blandiens et signans amorem.
Claudi pedis indicat vulnus et languorem.
Condoluit Pastor, et cernit inesse dolorem.
Qui tandem novaculam morbo procuravit.
Spinam secans extrahit et pedem sanavit.
Omnem tergens maculam, saniem purgavit,
Et Leo sanatus ad propria tecta meavit.
Accidit ut postea Leo caperetur
Et in amphitheatro captus clauderetur,
Ut coram principibus ludens rideretur
Et damnandorum mortis vindex gereretur.
Non multum post talia Pastor deprensatur
Et convictus crimine vinclis religatur.
Bestiarum dentibus praeda praeparatur,
Et Leo praedictus mox ad sibi missa paratur.
Leo, noscens medicum Pastorem terreri,
Cepit ei protinus parcens misereri.
Huic abegit bestias, volens hunc tueri,
Nec permisit eum quoquam laesore moveri.
Custos carcerarius audit rugientis
Rugitum Leunculi Pastorem tuentis.
Pastor narrat meriti casum praecedentis
Atque Leonis ope se salvatum miserentis.
Moralitas.
Rationis regula recte comprobatur:
Utriusque miserens uterque salvatur,
Quod suo benefico quisquis obligatur,
Ut benefactori per nos merces tribuatur.
Version in Wright's Latin
Stories:
VIII. DE LEONE CLAUDICANTE.
NUPER leo nemora trux perambulabat
Venadi cupinine, sed currens calcabat
Spinam pedi tranfigens, unde claudicabat,
Et morbo medicos ex omni parte vocabat.
Quem cum nullus hominum timens attendebat,
Hic ductus angustia gressus dirigebat
Ad pastorem pecorum quem procul videbat,
Quem tremens pastor terrore timens fugiebat.
Leo linquens pecora sequitur pastorem,
Cauda sibi blandiens et signans amorem,
Claudi pedis indicat vulnus et languorem;
Condoluit pastor, et cernit inesse dolorem.
Qui tandem novaculam morbo
procuravit,
Spinam secans extrahit, et pedem sanavit,
Omnem tergens maculam saniem purgavit;
Et leo sanatus ad propria tecta meavit.
Accidit ut postea leo caperetur,
Et in amphitheatro captus clauderetur,
Ut coram pincipibus ludens rideretur.
Et dampnandorum mortis vindex gereretur.
Non multum post talia pastor deprensatur,
Et convictus crimine vinclis religatur;
Bestiarum dentibus præda præparatur,
Et leo prædictus mox ad sibi missa paratur.
Leo noscens medicum pastorem terreri
Cœpit, et protinus parcens misereri;
Hinc abegit bestias, volens hunc tueri,
Nex permiset eum puopuam læsore moveri.
Custos carcerarius audit regientis
Rugitum leunculi pastorem tuentis:
Pastor narrat meriti casum præcedentis,
Atque leonis ope se salvatum miserentis.
MORALITAS.
Utriusque miserens uterque salvatur:
Rationis regula sic recte comprobatur;
Quod suo benefico quisquis obligatur,
Ut benefactori per nos merces tribuatur.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|
