Aesop's Fables: Romuli Nilantis Fabulae Rhythmicae
Book 2.9: de leone et equo (p. 735 in Hervieux; Perry
187)
Equus nuper pascuis suis incedebat,
Ad quem, dolum simulans, Leo veniebat,
Qui se fore medicum prudentem promebat.
Haec ideo dixit, quod Equum mactare volebat.
Equus, ut insidias Leonis videbat,
Falsi curam medici cautus capiebat.
Dum medelam sumeret, cogitans studebat
Qualiter insidias mortis vitare valebat.
Nimis, inquit, gaudeo te talem tenere
Medicum, qui valeas morbos amovere.
Succurrens quam totius, rogo, miserere
Atque mei morbi causas accede videre.
Me currentem contigit spinam percalcare,
Quae dum pedem transiit, coepi claudicare.
Veni tanto vulneri medelam donare,
Ut possim sanus tibi praemia multa parare.
Leo curans pedibus Equi residebat.
Huc illuc inspiciens caput submittebat.
Equus eius capiti pedes feriebat,
Et totum pectus cum vertice conquatiebat.
Fugit Equus saliens, cum Leo iaceret
Gravi pressus vulnere, dicens plus valeret
Quod apertus afforet hostis quam lateret
Insidiis plenus, nec pignus amoris haberet.
Moralitas.
Hic amicum prohibet fictum simulari
Et cum vultu placido cor fidum servari.
Ne, dum ridet oculus, velit machinari
Insidias animus nullaque fide solidari.
Version in Wright's Latin
Stories:
IX. DE LEONE ET EQUO
EQUUS nuper pascuis suis incedebat;
Ad quem dolum simulans leo veniebat,
Qui se fore medicum prudentem promebat,
Hæc ideo dixit quod equum mactare volebat.
Equus ut insidias leonis videbat,
Falsi curam medici cautas capiebat,
Dum medelam sumerat cogitans studebat
Qualiter insidias mortis vitare valebat.
"Nimis," inquit, "gaudeo te talem tenere
Medicum, qui valeas morbos amovere;
Succerrens quamitocius rogo miserere,
Atque mei morbi causas accede videre.
"Me currentem contiget spinam percalcare,
Quæ dum pedem transiit, coepi claudicare;
Veni tanto vulnere medelam donare,
Ut possim sanus tibi præmia multa parare."
Leo curans pedibus equi residebat,
Huc illuc inspiciens caput submittebat.
Equus eju capiti pedes feriebat,
Et totum pectus cum vertici conquatiebat.
Fugit equus saliens; cum leo jaceret
Gravi pressus vulnere, dicens, plus valeret
Quod apertus afforet hostis quam lateret
Insidiis plenus, nec pignus amoris haberet.
MORALITAS.
Hic amicum prohibet fictum simulari,
Et cum vultu placido cor fidum servari;
Ne dum ridet oculus, velit machinari
Insidias animus, nullaque fide solidari.
The Latin text shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). Volume 2.: Phèdre et ses anciens imitateurs directs et indirects, pp. 714-755,
and also the readings in Thomas Wright's A
Selection of Latin Stories, from Manuscripts of the Thirteenth and Fourteenth
Centuries. London: 1842 (online).
|