Aesop's Fables: Steinhowel
5.4. De dracone et villano
(Perry 640)
[See an illustration from a 1501 edition.]
Fabula iv de dracone et villano.
Frequenter reddunt homines mala pro bonis, et iuvantibus se nocent,
unde audi fabulam. Draco morabatur in flumine, et cum crevisset flumen
secutus est aquam per descensum, quousque fluvius minuens dimitteret
illum in arena sicca. Ibique iacebat non valens pergere sine aqua, dum
autem transiret quidem homo agricola dixit ad eum: O draco quod iaces?
Et draco ait: Fluvium crescentem sum secutus per descensum, qui minuens
dimisit me hic in arido loco, et nequeo ire absque aqua, sed si me ligaveris
et super tuum asinum imposueris, ac me ad domum meam reduxeris, aurum
et argentum ac omnia bona a me accipies. Tunc villanus cupiditate ductus
ligavit draconem et posuit eum super asinum suum et revocavit ad suum
cubile. Et cum de posuisset eum de asino et solvisset de vinculis, querebat
qod promiserat, id est aurum et argentum. Tunc draco: Ligasti, inquit,
me et ideo exigis a me aurum et argentum. Et villanus ait: Rogasti tu
me. Draco: Comedam te ergo, quia famem habeo. Et villanus respondit:
Vis tu ergo mala pro bonis reddere? Vulpis autem cum esset secus locum
et audivit illos litigantes, ait ad illos: Quid litigatis adinvicem.
Tunc prior draco: Iste, inquit, villanus ligavit me fortiter ac posuit
super asinum et duxit usque huc. Et post homo dixit: Audi, domina mea
vulpis, fluvium crescentem sequens hc draco remansit in sicco. Cunque
trasirem rogavit me, ut ligarem et imponerem super asinum et ducerem
eum usque ad domum suam, promittens aurum et argentum et cuncta bona,
et modo vult me manducare. Et vulpes ait: Stulte egisti, quia ligasti
eum. Modo ergo ostende mihi, quomodo ligasti eum, et postea vos iudicabo.
Tunc villanus cepit ligare draconem, vulpis autem dicebat draconi: Ligavit
te ita fortiter villanus? At ille: Non solum tantum, sed etiam centies
tantum. Et vulpis villano: Stringe eum. Tunc villangus ait: Cum essem
fortissimus, cepit eum stringere secundum omnes vires suas. Tunc vulpis
draconi: Ita te ne ligavit? Et draco ait: Ita, domina mea. Et vulpis
villicano ait: Noda ergo vincula ipsa fortiter, quia qui fortiter ligat,
fortiter disligat. Et vade et impone eum super asinum et revoca eum ibi,
unde assumpsisti. Et ibi dimitte eum ligatum, ita ut est. Et postea te
non manducabit. Et ita egit villanus, ut iudicavit vulpis. Taliter homines,
cum pro bonis mala retribuunt, frequenter retributionem recipiunt iuste.
Steinhowels Asop, ed. Hermann Osterley (1873). Some of these fables have digitized text; others have only page images. The digital page images are from Google Books. You can also consult the illustrated 1501 edition of Steinhowel's Aesop. Note that Book 7 contains poems from Avianus, so there is no text or page image for the fables in Book 7. |