Aesop's Fables: Walter of England
Fable 1. De gallo et iaspide.
Perry 503
Dum rigido fodit ore fimu, dum queritat escam,
Dum stupet inventa iaspide, gallus ait:
"Res utili pretiosa loco natique nitoris,
Hac in sorde iacens nil mihi messis habes.
Si tibi nunc esset qui debuit esse repertor,
Quem limus sepelit viveret arte nitor.
Nec tibi convenio, nec tu mihi; nec tibi prosum,
Nec mihi tu prodes, plus amo cara minus."
Tu gallo stolidum, tu iaspide pulcra sophie
Dona notes: stolido nil sapit ista seges.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |