Aesop's Fables: Walter of England
Fable 44. De quadrupedibus et avibus.
Perry 566
Quadrupedes pugnant avibus, victoria nutat;
Spes onerata metu vexat utrumque gregem.
Linquit aves que sumit avis de vespere nomen,
Nec timet oppositi castra iuvare chori.
Armat aves aquile virtus, et viribus implet
Et monitu; torpet altera turba metu.
Amplexatur aves ulnis victoria letis;
Pro titulo penam transfuga sumit avis:
Vellere nuda suo, pro plumis vellera vestit
Edictumque subit ne nisi nocte volet.
Non bonus est civis qui prefert civibus hostem:
Utiliter servit nemo duobus eris.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |
