Aesop's Fables: Walter of England
Fable 53. De viro et securi.
Perry 302
Quo teneatur eget nil ausa secare securis.
Armet eam lucus, vir rogat; ille favet.
Vir nemus impugnat lassans in cede securim:
Arboris omne genus una ruina trahit.
Lucus ait: "Pereo. Mihimet sum causa pericli,
Me necat ex dono rustica dextra meo."
Unde perire queas, hostem munire caveto:
Qui dat quo pereat, quem iuvat hoste perit.
Text
as published in Boldrini, Sandro. Uomini e bestie: le favole
dell Aesopus latinus. Lecce: Argo, 1994. |