<< Home Page | Odo Index

Aesop's Fables and Other Parables: Odo of Cheriton

49. DE VULPE.
Perry

Vulpes, quando esurit, fingit se mortuam, et iacet in plano et linguam eicit. Venit Coruus uel Miluus credens predam inuenire; uenit ut capiat linguam, et capitur a Vulpe et deuoratur.
Sic Diabolus fingit se mortuum, quod nec auditur nec uidetur, et eicit linguam suam, hoc est omne illicitum delectabile et concupiscibile, scilicet pulchra mulier, cibus delicatus, uinum sapidum et huiusmodi; que cum illicite capit homo, capitur a Diabolo.

49a. [ALIUD EXEMPLUM].
Perry

Similiter assatur caseus et ponitur in muscipula. Quem cum sentit Ratus, intrat in muscipulam, capit caseum et capitur a muscipula.
Sic est de omni illicito. Caseus as[s]atur, quando mulier paratur, ornatur, ut stultus rat(t)os alliciat et capiat: capis mulierem fornicando, caperis a Diabolo. Vnde glosa in Psalmis: Predam quam cupis in muscipula est; capis alienum et caperis a Diabolo.

The Latin text of Odo shown here is taken from Léopold Hervieux, Les fabulistes latins depuis le siècle d'Auguste jusqu'à la. fin du Moyen-Age (1893-1899). There is a delightful English translation of Odo by John Jacobs, which is still in print. It's a lovely book!