Phryx Aesopus (Osius, 1574)
15. HIRUNDO ET AVICULAE. (Perry
39)
EST sata cum quondam lini seges, huius Hirundo
Semen ut eruerent cauta monebat aves.
Quod foret inde nocens generi ventura volucrum
Herba, nisi mox hoc erueretur humo.
Sed quia verba fidem stolidis non illa merentur,
Quae nihil inde mali posse venire putant.
Rursus ut enatam tenere iam consulit herbam
Evellant, monitu proficiente nihil,
E silvis igitur stultas exosa volucres,
Ad coetus hominum provida migrat avis.
At de maturo fierent cum retia lino,
Pennigerum mox est poena secuta genus.
Stultitiam sero cui correxere dolores,
Se quia nunc frustra desipuisse videt.
Consilio parere bono qui respuit olim,
Hoc mala neglecto tristia ferre solet.
This image is found at Fable 133, but it fits this fable better.
*** The drawing does not fit the fable. ***
The same image appears at Fable 137 and Fable 138.
Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate. |
