Phryx Aesopus (Osius, 1574)
216. LEO PROCUS. (Perry
140)
ESset ubi quaedam virgo conspecta Leoni,
Ipsius ardenti captus amore fuit.
Accedens ergo blando rogat ore parentem,
Ut sibi coniugio consociare velit.
His, ait ille, tuis teneram committere natam
Dentibus, aut saevis unguibus anne velim?
Quod modo non illis si formidabilis esses,
Quam felix genero te socer ipse forem?
Talibus impedior Natam tibi tradere causis,
Quam dare non essent hae modo, promptus eram.
Impatiente Leo quia mente ferebat amorem,
Talia dicenti credit abesse dolum.
Iamque sibi dentes effringi passus, et ungues
Praecidi, stolido victus amore perit.
His illum versutus homo spoliavit ut armis,
Edomat et nullo pene labore necat.
Saepe viros fortes ita vis dementat amorum,
Perniciem stolide cogat ut illa pati.
Callidus interdum praestantem decipit astu,
Et domitis illum viribus esse facit.
*** The drawing does not fit the fable. ***
It could be an illustration for the lion's share, Fable 6.
Phryx Aesopus Habitu Poetico, by Hieronymus Osius, 1574 (artist not identified). Available online at the University of Mannheim. This book clearly recycles a set of images from another book of Aesop's fables. In some cases, the illustration does not match the fable shown, and in some cases I have not been able to identify what fable a given illustration is supposed to illustrate. |
